Палатаға кіру тәртібі
«Өзін-өзі реттейтін Қазақстан бағалаушылар қауымдастығының ұйымы» бағалаушылар Палатасына мүшелік туралы Ереженің 2 тармағына сәйкес:
2. 2. Палатадағы мүшелікке (міндетті шарттар) талаптар.
2.1. Басқа бағалаушылар палаталарында күші бар мүшелігі болмауы.
2.2. «Бағалаушы» біліктілігін иемдену туралы куәлігінің болуы (бағалау бойынша қызметпен айналысуға құқыққа лицензия).
2.3. Палата жарғысын мойындау.
2.4. Палатаның ережелері мен стандарттарын мойындау.
2.5. Бағалаушылардың Іскерлік және кәсіби кодексін мойындау.
2.6. Жалпы жиналыспен белгіленген мөлшер мен мерзімде кіру және мүшелік жарнаны төлеу.
«Өзін-өзі реттейтін Қазақстан бағалаушылар қауымдастығының ұйымы» бағалаушылар Палатасына мүшелік туралы Ереженің 3 тармағына сәйкес:
3. Палатаға кіру тәртібі.
3.1. Палата мүшелігіне кіру үшін жеке тұлға БҚЗ-мен, Қазақстан Республикасының өзге де нормативтік-құқықтық актілерімен және Палатаның ішкі құжаттарымен қарастырылған құжаттарды ұсынады.
Палата мүшелігіне кіруге құжаттар ұсынуымен жеке тұлға Палатаға «Интернет» ақпараттық-телекоммуникациялық желісі арқылы Қазақстан Республикасы заңнамасымен белгіленген тәртіп пен көлемде өз дербес деректерін өңдеуге және ашуға келісім береді.
3.2. Палата мүшелігіне кіру үшін жеке тұлға келесі құжаттарды міндетті түрде ұсынады, бірақ келтірілген тізіммен шектелмейді:
3.2.1. Бекітілген нысанда Палатаға кіру туралы өтініш (осы Ережеге №1 қосымша);
3.2.2. Жеке басын куәландыратын құжат көшірмесі;
3.2.3. «Бағалаушы» біліктілігін иемдену туралы куәлік көшірмесі (жеке тұлғаны бағалау бойынша қызметпен айналысу құқығына лицензия (бар болған жағдайда қосымшамен));
3.2.4. Экономикалық қызмет саласында құқық бұзушылық үшін, сондай-ақ қасақана жасалған ауырлығы орташа қылмыстар, ауыр және аса ауыр қылмыстар үшін алып тасталмаған немесе өтелмеген соттылықтың болмауы туралы анықтама;
3.2.5. Бағалау қызметін жүзеге асыратын заңды тұлғамен еңбек қарым-қатынасы бар болуы туралы жеке келісімшарт көшірмесі немесе бұйрық көшірмесі;
3.2.6. Бағалаушының мүліктік жауапкершілігін қамтамасыз ету келісімшартының көшірмесі;
3.2.7. Телефон нөмірлері, электрондық пошта мекенжайы, іс-әрекетті жүзеге асыру орнының мекенжайы;
3.2.8. Ережелермен, стандарттармен, Қазақстан Республикасы нормативтік-құқықтық актілерімен қарастырылған өзге де құжаттар мен деректер.
3.3. Кіру және мүшелік жарна төлемі белгіленген сомада.
3.4. Бағалау қызметі туралы Қазақстан Республикасы заңнамасының талаптарына және Палатаның ішкі құжаттарының талаптарына сәйкестілігі туралы шешім қабылданған тұлға мәліметтері заңмен белгіленген мерзімде палата мүшелерінің тізіліміне енгізіледі.
3.5. БҚЗ-мен, Палата жарғысымен және осы Ережемен белгіленген талаптарға оның сәйкестілігі туралы шешім қабылданған қатысты тұлға бағалау қызметінің субъектісі болып табылады және бағалау қызметін жүзеге асыруға құқылы.
3.6. Палата мүшелігі туралы куәлік бағалау қызметін жүзеге асыратын мүшелік жарнаны төлеген бағалаушыларға беріледі.
3.7. Палатада мүшелігі туралы куәлік жеке Палата мүшесіне, оның өкіліне, немесе байланыс ретінде көрсетілген мекенжайға жіберілуі мүмкін.
3.8. Палатаның алқалық органы тұлғаны Қазақстан Республикасының заңнамасымен, Қазақстан Республикасы өзге де нормативтік-құқықтық актілерімен, Палатаның Жарғысымен, осы Ережемен белгіленген талаптарға сәйкестілігін танудан бас тартуы мүмкін.
3.9. Палата мүшелігіне қабылдаудан бас тарту негізі келесі болуы мүмкін:
3.9.1. осы Ереженің 3.2-т. көрсетілген құжаттарды ұсынбау және де ішінара ұсыну;
3.9.2. Қазақстан Республикасының заңнамасымен, Қазақстан Республикасы өзге де нормативтік-құқықтық актілерімен белгіленген талаптарға сәйкессіздігі;
3.9.3. Палатаның ішкі құжаттарымен белгіленген талаптарға сәйкессіздігі;
3.9.4. Қазақстан Республикасының заңнамасымен, Қазақстан Республикасы нормативтік-құқықтық актілерімен қарастырылған басқа жағдайларда.
3.10. Палата мүшелігіне қабылдаудан бас тартылған тұлға осы бас тартуға сотқа шағымдануға құқылы.